Martın 23-də Gənclər və İdman Nazirliyi və Azərbaycan Milli İdman Növləri Assosiasiyasının birgə təşkilatçılığı ilə Novruz bayramına həsr olunmuş milli idman növləri üzrə nümunəvi çıxışlar təşkil olunub.
“Dədə Qorqud” parkı ərazisində keçirilən tədbirdə idmançılar zorxana, pəhləvan güləşi, qazaq güləşi, kəmər güləşi, alpaqut, nərd, kəndirlə mübarizə, mas-reslinq, ənənəvi oxatma və digər idman növlərində müxtəlif nümunəvi çıxışlar nümayiş etdiriblər.
