27 mart 2024-cü il tarixində Azərbaycan Gənclər və İdman Nazirliyinin və Azərbaycan Milli İdman Növləri Assosiasiyasının birgə təşkilatçılığı ilə mas-reslinq idman növü üzrə ölkə birinciliyi və çempionatı keçirilmişdir.
İdman paytaxtı seçilən Quba şəhərinin Olimpiya İdman Kompleksində baş tutan yarışda paytaxt və rayonların müxtəlif klub, cəmiyyət və idman təşkilatlarından idmançılar medallar uğrunda mübarizə aparıblar.
Yarışdın qalibləri və mükafatçıları Gənclər və idman nazirliyi tərəfindən medal və diplomlarla təltif olunublar
Yarışın əsas məqsədi müvafiq yaş qrupları üzrə Azərbaycan yığma komandasının tərkibini müəyyən etmək və eyni zamanda yeniyetmələr, gənclər və böyüklər arasında idman vasitəsi ilə sağlam həyat tərzinin formlaşdırılması, həmçinin mas-reslinqin kütləvi təbliğinə və təşviqinə nail olmaqdır.